حيران

شفت برنامج دعوه للتعايش (عمرو خالد)وسمعت كلام خلانى أفكر فى طريقة الكتابه اللى انا باكتبها الكلام ياساده أن الإمام الشافى لما كان بيخاطب العلماء كان بيخاطبهم بطريقه صعبه ولما كان بيكلم الناس كان بيكلمهم بلغة بسيطه وسهله المهم لقيت انى باكتب بلغة صعبه (على اساس انى الشافعى)والكلمات مجعلصه(متسألنيش يعنى ايه مجعلصه)وحاجه كده زى متقول خير الله ام اجعله خير المتنبى البحترى عنتره بن شداد طه حسين العقادبس بس بس بس على مهلك ايه داكله خدو عندكم مثال على الطريقه(
أيها الأصدقاء أخبر نفسى ان طريق النور الذى أخترته طريق طويل مليئ بالمشقة والأشواك ،ولكنى أعلم أنى حين اصل إلى النهاية سوف أشرب كأس السعادة)الكلام حلو بس المشكله فىطريقة الكتابه يعنى انا مدايق من الكتابه اللى انا بكتبها دلوقتى حاسس زى متكون مهلبيه شربه حاجه كده مش عرفلها راس من رجلين والكتابه القديمه اللى كاتبت بيها 3تدوينات اللى فاته حاسس بيها انها مجعلصه (مجعلصه تانى) ومش عارف اكتب بديى ولا دى ولا اعمل حادى بادى ....شالو وحطوا كله لاعالادى ولادى المهم انا قررت اكتب بلغه بين البينين يعنى لا طويله ولا قصيره ولا تخينه ولا رفيعه واشفكم بكره